Оваа година модното ателје Коцарева ќе ја претстави својата најнова колекција на венчаници на скопскиот саем за венчавки од 22ри до 24ти Февруари. Новата колекција маѓепсува со свежи силуети и возбудливи форми.
Новите венчаници од колекцијата пролет/лето 2019 опфаќаат четири различни стилови на невести. Фустаните одговараат на вкусовите на невестите кои го сакаат најдоброто за себе на нивниот најголем ден, а сепак да останат верни на нивниот личен стил.
Колекцијата се базира на бохо стилови на невести, романтични стилови, невести со класични стилови и невести со модерни стилови.
Бохо стилот на венчаници, се поедноставни и главно направени од лесни ткаенини. Тие резултираат со леснотијата во движењето, голи грбови, корди, и транспарентни делови. Чипкани детали завземаат главен дел во овој стил и го заокружуваат нивниот изглед.
Широките фустани направени од тул и чипка се клучните маркери на фустаните за невести со романтични стилови. Принцеза или А-линија на силуети се совршени за овие бајковити стилови на венчаници, со детали на мунистри и кристали за совршен изглед.
Повеќе традиционалните невести кои ги сакаат фустаните со класичен стил, се направени од чипка, брокат, жоржет и шифон. Сите се издвојуваат со рачно изработените везови и грандиозните над-суќни или суќни на колан кои можат да се одстранат. Чипката, бисерите и транспарентните делови се совршено искомбинирани со грчкиот стил околу вратот, корсетите без прерамки и длабовите ”V” изрази.
И на крај модерниот изглед се карактеризира со минималистички сирена фустани, кои ја истакнуваат женската фигура. Можеби тие се фустани за невести кои се чувствуваат секси и смело, ткаенините со еластин кои стојат прилепено за телото се нај застапени во овие модели.
Длабоки изрази напред или назад, игра со транспаренти делови и деликатни детали искомбинирани со цел да се создаде убава силуета. Овие фустани имаат едноставни кроеви кои ја надополнуваат вашата фигура, и се совршени за невести кои бараат модерен изглед.
Модното ателје Коцарева со седиште во Охрид за прв пат го отвора својот продажен салон и во Скопје на улица Метрополит Теодосиј Гологанов 64. Ателјето се очекува да биде отворено до крајот на овој месец.