Салма Хајек го ошамарила Бенисио дел Торо 17 пати: „Удри ме посилно!“
Иако поминаа години од снимањето на филмот „Savages“, една сцена со Салма Хајек и Бенисио дел Торо повторно стана хит во медиумите.
Причината? За една единствена сцена, Хајек морала да го удри актерот со шлаканица дури 17 пати.
Во филмот на Oliver Stone од 2012 година, Салма ја игра моќната Elena „La Reina“ Sánchez, шефица на мексикански нарко-картел, додека Дел Торо го толкува суровиот Lado. Токму во една од нивните највпечатливи сцени, нејзиниот лик му задава шлаканица.
„Удри ме, удри посилно“
Според приказните од снимањето, Салма била нервозна поради сцената, но Дел Торо ја охрабрувал да не се штеди.
Таа подоцна раскажала дека тој ѝ велел да го удри посилно, додека режисерот Oliver Stone барал сцената да се повторува одново и одново.
Дел Торо подоцна се пошегувал дека да се примат 17 шлаканици од Салма Хајек „не било баш пријатно“, особено ако доаѓаат од жена од Мексико — земја со силна боксерска традиција.
А најлудото? Добрата верзија ја имале многу порано
Во едно старо интервју со Oliver Stone, Дел Торо се пошегувал дека сцената всушност ја имале уште околу четвртиот обид, но снимањето продолжило.
Тоа само ја прави приказната уште позабавна.
Замислете да знаете дека кадарот е добар — а сепак да ве удрат уште тринаесет пати.
Салма сама го градела ликот на „La Reina“
Салма Хајек во оваа улога не сакала Elena да биде само уште една стереотипна „опасна жена“.
Таа учествувала и во создавањето на визуелниот идентитет на ликот, инсистирајќи на впечатливата фризура, накитот и изгледот што треба да покаже моќ уште пред ликот да проговори. Според нејзините изјави, инспирацијата делумно ја нашла во вистинска моќна жена од Мексико чиј идентитет никогаш не го открила.
И можеби токму затоа Elena остана една од најзапаметените улоги во кариерата на Хајек.
Не само поради изгледот.
Туку затоа што кога Салма влегува во кадар — дури и најопасниот лик во филмот одеднаш изгледа малку помалку опасно.
About The Author
