л1

Леонардо ди Каприо наполни 52 години, а неговата роденденска прослава изгледаше како собир на најголемите холивудски ѕвезди.

Оскаровецот организираше ексклузивна забава во Беверли Хилс, на која пристигнаа славни актери, музичари, модели, но и еден од најбогатите луѓе во светот.

Иако актерот го прослави својот роденден на 11 ноември, големата забава ја организираше во саботата, на 14 ноември.

Холивудската елита на едно место

Меѓу гостите беа Ал Пачино, Тоби Мегваер, Џона Хил, Орландо Блум, Едриен Броди, Едвард Нортон и Кејси Афлек.

Особено внимание привлече доаѓањето на Џеф Безос и неговата сопруга Лорен Санчез Безос, кои не ја пропуштија можноста да бидат дел од ексклузивната прослава.

Тука беа и манекенката Кара Делевињ, актерката Елизабет Бенкс, Лора Хариер и раперката Ајс Спајс.

Фотографите ги забележаа познатите гости при пристигнувањето и заминувањето од приватната забава.

50 Сент приредил музичко изненадување

Еден од најинтересните моменти на вечерта бил настапот на раперот 50 Сент, кој, според американскиот портал TMZ, приредил изненадување со интимен музички настап за присутните.

Иако деталите од самата забава се чуваат подалеку од јавноста, фотографиите на гостите сведочат за вечер со исклучително звучна листа на поканети.

Пријателства што траат со децении

На прославата не недостигаа ниту долгогодишните пријатели и колеги на славниот актер.

Тоби Мегваер, со кого Ди Каприо се дружи уште од младоста, беше меѓу гостите. Двајцата заедно глумеа во филмот „Големиот Гетсби“.

Џона Хил, неговиот колега од „Волкот од Волстрит“, исто така пристигна на прославата, додека Ал Пачино, со кого играше во „Беше еднаш во Холивуд“, беше забележан во придружба на Нур Алфала.

Токму овие пријателства покажуваат дека Ди Каприо, и покрај огромната слава, со години одржува блиски односи со луѓето со кои ја градел кариерата.

И на 52 години – еден од најпосакуваните холивудски ергени

Леонардо ди Каприо и понатаму е меѓу актерите чиј приватен живот предизвикува огромно внимание.

Неговите љубовни врски, особено со помлади манекенки, со години се тема на светските медиуми, но актерот ретко јавно зборува за приватноста.

Сепак, роденденската забава уште еднаш потврди дека Ди Каприо е една од највлијателните личности во Холивуд, човек што може на едно место да собере оскаровци, музички ѕвезди, супермодели и милијардери.

А кога Леонардо слави роденден, очигледно слави и половина Холивуд!

About The Author