АНГЕЛИТЕ ПОВТОРНО ЌЕ ГО ЗАПАЛАТ СВЕТОТ! АДРИЈАНА ЛИМА, ЏИЏИ ХАДИД И СПЕКТАКЛОТ НА VICTORIA’S SECRET ШТО СИТЕ ГО ОЧЕКУВААТ!

Крилјата се подготвени, најубавите жени на светот се враќаат на пистата, а Лос Анџелес вечерва ќе биде центарот на модниот универзум! Victoria’s Secret Fashion Show 2026 ветува вистинска експлозија од гламур, музика, сензуалност и спектакуларни креации.

Една од најпознатите модни ревии во светот повторно ги собира легендарните ангели, новата генерација супермодели и некои од најголемите музички ѕвезди на денешницата.

На 18 октомври, Victoria’s Secret ќе ја претвори модната писта во големо шоу во кое модата нема да биде единствената главна ѕвезда.

Адријана Лима се враќа – легендата повторно со крилја!

Посебно внимание предизвикува учеството на Адријана Лима, една од најпрепознатливите манекенки во историјата на брендот.

На пистата ќе ѝ се придружат Џиџи Хадид, Кендис Свонпул, Алесандра Амброзио, Ешли Греам, Анок Јаи, Алекс Консани и други познати имиња.

Токму спојот на легендарните ангели и новите модни лица е една од најголемите атракции на годинашното издание.

Се враќа и легендарниот Fantasy Bra!

По осум години пауза, на ревијата повторно ќе се појави еден од најпрепознатливите симболи на луксузот – Fantasy Bra.

За неговото ново издание Victoria’s Secret соработуваше со престижната јувелирска куќа Jacob & Co., создавајќи екстравагантна креација со скапоцени камења и дијаманти.

Но, најголемата мистерија сè уште останува: која манекенка ќе ја добие честа да го носи?

Музички спектакл што ќе ја крене атмосферата

За музичкиот дел од вечерта се најавени Megan Thee Stallion, Tate McRae, Megan Moroney и групата KATSEYE.

Сценските настапи ќе бидат дополнување на ревијата, која со години е позната по своите огромни ангелски крилја, впечатливи костими и раскошна сценографија.

Сепак, годинашното шоу носи и нешто повеќе – нова енергија, разновидност на моделите и современо толкување на женственоста.

Каде и кога ќе може да се гледа?

Victoria’s Secret Fashion Show 2026 ќе се емитува во живо на официјалниот YouTube канал на брендот, како и преку Instagram и TikTok.

За публиката во Македонија, директниот пренос започнува во 1:30 часот по полноќ, во ноќта меѓу 18 и 19 октомври. Програмата од розовиот тепих започнува во 1:00 часот.

Едно е сигурно: нè очекува вечер исполнета со мода, гламур, спектакуларни настапи и моменти за кои допрва ќе се зборува.

Кој ангел ќе го украде шоуто? Одговорот го добиваме вечерва!