Лен Олбрајтон (79) и Жанет Стир (78) имале исклучително тежок пат до нивната венчавка, но и двајцата се среќни што сепак успеале да го направат тоа.
Двојката прв пат се запознала во 1963 година кога Лен имал 19, а Жанет 18. Работеле како медицински техничари во болницата „Сент Мери“ во Њупорт, Англија и се заљубиле на прв поглед.
Наскоро Лен ја запросил Жанет и таа прифатила. Меѓутоа, во тоа време возраста на согласност беше 21 година, а Жанет била три години премлада. Нејзините родители ја откажале планираната венчавка, а Лен добил срцепарателно писмо во кое Жанет ја откажала веридбата.
Во текот на следните 50 години Лен се оженил со жена во Австралија, имал три деца, се развел и се преселил во Стивениџ каде работел како окружен медицински техничар.
Во меѓувреме, Жанет останала на островот Вајт за да стане медицинска сестра, а потоа се омажила за поморски офицер и родила две деца.
Била во пензија и сè уште со сопругот кога Лен решил да ја најде.
„Бев исплашен, не знаејќи каква ќе биде нејзината реакција или дали воопшто ќе ја видам. Заминав во сомнеж. Не беше лесно да ја најдам, но ја најдов. Само се надевав дека е добро – не очекував било што друго“, вели тој, пренесува Metro. https://t.co/qxdALnjQ0l
„За малку ќе умрев кога сфатив дека стои покрај мојата градина. Мило ми беше што ме побара. Во тоа време многу размислував за него“, вели Жанет.
Потоа го испратила бившиот свршеник и на сопругот му рекла дека е странец која прашувал за насоки на каде треба да оди за да си го најде патот.
Меѓутоа, две години подоцна, сопругот на Жанет починал од рак, а таа го контактирала Лен користејќи ја адресата што ја навел на божикната честитка претходната година.
После тоа, во 2018 година таа се согласила да се пресели во Стивениџ за да живее со него, а минатата година Лен повторно клекнал на едно колено и ја замолил да се омажи за него. Нивната венчавка се одржа на 11 февруари годинава.
