Ѕвездите го окупираа Њујорк: Од Розалија и Кејт Мос до Емили Ратајковски – првите редови на NYFW се спектакл сами за себе
Њујорк повторно е центарот на модниот свет.
Во тек е New York Fashion Week Spring/Summer 2027, а додека дизајнерите ги откриваат колекциите за следната сезона, најголемите светски ѕвезди водат своја паралелна модна битка – во првите редови.
А листата годинава е сериозна: Розалија, Емили Ратајковски, Аманда Сајфред, Кејти Холмс, Синтија Ериво, Лиза, Дуа Липа, Ен Хатавеј, Ела Фанинг, Хелена Кристенсен, Иман, Лизо, Тејана Тејлор, Габриел Јунион… 
Ralph Lauren собра вистинска холивудска прва редица
По колекцијата на Ralph Lauren што веќе привлече огромно внимание, и гостите беа речиси еднакво интересни.
Синтија Ериво и Еиза Гонзалез седеа заедно, додека меѓу гостите беа и Аријана ДеБоз, Меган Фахи, Рејчел Броснахан, Елизабет Дебики и Виола Дејвис со сопругот Џулиус Тенон.
Тоа е онаа стара Ralph Lauren формула – филмски ѕвезди, класичен американски гламур и впечаток дека сите случајно изгледаат совршено.
Calvin Klein – минимализам на пистата, ѕвезди во првата редица
Кај Calvin Klein атмосферата беше сосема поинаква.
Розалија беше една од главните ѕвезди на вечерта, а таму беа и Тејт Мекреј, Сејди Синк, Лила Мос, Тејана Тејлор, Алекса Чанг и Кејти Холмс.
Колекцијата на Вероника Леони се врати кон основата на Calvin Klein – чисти линии, едноставни сакоа, slip фустани и деним – па и самите гости главно играа на карта на модерен, ненаметлив cool изглед. 
Емили Ратајковски и Габриел Јунион кај Michael Kors
На ревијата на Michael Kors вниманието го украдоа Емили Ратајковски и Габриел Јунион, а во првата редица се појавија и Леа Мишел и Џудит Лајт.
Emily, како и секогаш, успева и наједноставната комбинација да ја претвори во фотографија што веднаш кружи низ модните профили.
Wedding Expo Skopje 2027 – 15 години љубов, стил и инспирација.
Аманда Сајфред кај Tory Burch
Кај Tory Burch, Аманда Сајфред беше едно од најзвучните имиња, а друштво ѝ правеа и Падма Лакшми и други познати лица од американската сцена.
Ова беше еден од оние моменти кога „front row fashion“ е речиси поважен од самиот street style пред ревијата.
Иман, Хелена Кристенсен и Кејти Холмс – модна моќ во еден кадар
Една од најсилните фотографии досега доаѓа од Cult Gaia.
Во истиот кадар се најдоа Иман, Хелена Кристенсен и Кејти Холмс – три различни генерации и три целосно различни модни енергии.
Самата Хелена Кристенсен дополнително привлече внимание со уште едно појавување на настанот.
Coach донесе помлада генерација
Кај Coach, првата редица беше нешто помлада – Ела Фанинг, Трој Сиван и Сторм Рид беа меѓу главните гости.
Coach годинава одбележува и голема годишнина, па брендот е еден од најследените на ова издание на NYFW.
А потоа дојдоа и Лизо, Симон Бајлс и Венус Вилијамс
NYFW одамна не е само актерки и модели.
Лизо се појави кај Kim Shui, додека кај Simkhai во иста прва редица беа Симон Бајлс и Венус Вилијамс. (Vogue)
Спортот, музиката, филмот и модата се мешаат повеќе од кога било – и токму затоа денешната Fashion Week изгледа како огромен showbiz настан.
А надвор од самите ревии, Дуа Липа, Лиза и Ен Хатавеј веќе се појавија и на големите модни настани што ја придружуваат неделата. 
Модната недела сè уште не е завршена
Официјалната програма трае до 15 септември, што значи дека големите celebrity појавувања допрва можат да продолжат. (Vogue)
Но едно е веќе јасно:
во Њујорк сезонава не се гледа само што има на пистата – туку и кој седи веднаш до неа.
About The Author
