„Изгледаа како стабилен холивудски пар:
Аманда Сајфрид и нејзиниот сопруг Томас Садоски објавија дека повеќе не се заедно.
Двојката, која беше во брак речиси десет години, на 15 септември потврди дека се разделени веќе извесен период. Во заедничка изјава порачаа дека одлуката се покажала како вистинска за нив и за семејството.
Интимна венчавка
Аманда, 40, и Томас, 50, се запознале додека работеле на претставата „The Way We Get By“, а се венчале во 2017 година на многу интимна церемонија — само тие двајца и службено лице.
Само неколку дена по свадбата го добиле првото дете, ќерката Нина, а во 2020 година семејството се проширило со синот Томас Џуниор.
Јин и Јанг!
Сајфрид и претходно зборувала дека нивниот однос е како „јин и јанг“, особено кога станува збор за родителството, а уште оваа година јавно зборуваше и за жртвите што Садоски ги прави за да ја поддржи нејзината кариера.
Засега нема информации дека разделбата е проследена со јавна драма. Напротив, нивната порака остава впечаток дека сакаат да останат блиски како родители и семејство.
About The Author
