Кога Бијонсе ќе одлучи да се појави на насловна страница, ретко станува збор за обична фотосесија. А кога тоа ќе го направи по пауза од цели две децении, резултатот очекувано го привлекува вниманието на модната јавност.
За специјалното октомвриско издание на британскиот магазин i-D, славната пејачка позира во смела комбинација од светла крзнена наметка, проѕирни црни хулахопки, високи потпетици и раскошен дијамантски накит.
Посебно внимание привлекува впечатливото ѓерданче од високата колекција на Tiffany & Co.
…, инспирирано од легендарниот дизајнер Жан Шлумберже. Накитот содржи десет интензивно жолти дијаманти со вкупна тежина поголема од 19 карати, надополнети со повеќе од 89 карати бели дијаманти.
Фотографиите ги направил Блер Колдвел, а за модниот изглед е задолжена Шиона Турини. Косата, обликувана во мокри локни, е дело на долгогодишниот соработник на Бијонсе, Нил Фарина.
Сепак, зад гламурот се крие и деловна приказна.
Новото издание е посветено на проширувањето на нејзиниот бренд за нега на коса Cécred на британскиот пазар. Во интервјуто, Бијонсе и нејзината мајка Тина Ноулс зборуваат за искуството со нега на косата и за создавањето на брендот.
Пејачката нагласува дека е основач, визионер и единствен инвеститор во компанијата, а не само познато лице што рекламира производи.
Интересен е и малиот моден детаљ:
…капачето од производ на Cécred е искористено како дел од визуелната композиција со нејзините високи потпетици.
Дваесет години по претходното појавување на насловната страница на i-D, Бијонсе повторно покажува дека гламурот, модата и успешниот маркетинг можат да одат рака под рака.
УБАВИНАТА ИМА СВОЈ ДАТУМ: Beauty Expo Skopje 2027 најавува три дена гламур, трендови и инспирација!
About The Author
