Скопје ќе мириса на убавина, гламур и попусти: пристигнува Beauty Expo Skopje – највозбудливиот саем за козметика оваа пролет!

Ако сакате козметика, ако сакате шминка, парфеми, производи за нега, hair & beauty новитети, специјални понуди и купување по пониски цени – тогаш во април вашата дестинација е само една: Beauty Expo Skopje!

Од 3 до 5 април, во ексклузивниот амбиент на хотел Александар Палас – Скопје, на површина од дури 2.000 м², ќе се одржи Beauty Expo Skopje – голем изложбено-продажен саем за козметика, убавина и нега, кој ќе го претвори главниот град во вистински центар на beauty индустријата.

Ова е три-дневно beauty доживување создадено за сите оние кои користат било каква козметика и сакаат на едно место да ги пронајдат своите омилени производи, да откријат нови брендови, да се информираат за најновите трендови и, секако, да купуваат по специјални саемски цени.

Светот на убавината на едно место

Во текот на трите саемски дена, посетителите ќе имаат можност да се сретнат со околу 50 изложувачи, меѓу кои се најголемите, највлијателните и најдобрите компании од светот на козметиката, негата и beauty индустријата. Тоа значи дека на едно место ќе бидат собрани брендови, компании и професионалци кои го поставуваат стандардот за квалитет, ги следат светските трендови и ја обликуваат современата индустрија на убавина.

Beauty Expo Skopje е настан наменет и за професионалци, и за широка публика. Без разлика дали сте љубител на шминка, парфеми, skincare производи, производи за коса, дермокозметика, нега на тело, nail производи или wellness решенија – тука ќе можете да најдете сè што ве интересира, на едно место и во вистинска саемска атмосфера.

Не само разгледување – туку и купување по саемски цени

Она што го прави овој настан особено привлечен е фактот што Beauty Expo Skopje има изложбено-продажен карактер. Тоа значи дека посетителите нема само да разгледуваат и да се информираат, туку ќе можат и директно да купуваат од изложувачите, и тоа по саемски цени, со специјални попусти, ексклузивни понуди и поволности што ќе бидат достапни токму за време на саемот.

За многумина, ова ќе биде идеална можност да ги купат своите омилени производи по подобри услови, но и да откријат нови beauty фаворити, да пробаат нешто ново, да побараат совет од професионалци и да се запознаат со брендови што можеби токму тука ќе ги освојат на прв поглед.

Саемот е идеално место и за сите сопственици на салони, продавници, студија и beauty бизниси, кои сакаат на едно место да набават производи, материјали и опрема за своето работење. Преку директен контакт со изложувачите, тие ќе имаат можност да договорат соработка и да купуваат на големо, по специјални саемски цени и поволни услови.

Три дена посветени на убавината

Освен можноста за купување, посетителите ќе можат да уживаат и во динамична саемска атмосфера исполнета со презентации, демонстрации, новитети, мириси, бои, инспирација и директна комуникација со претставници од компаниите и beauty експерти. Саемот ќе биде место каде убавината не само што се гледа, туку и се доживува.

Со внимателно избрана понуда, силен состав на изложувачи и концепт што ја спојува продажбата со доживувањето, Beauty Expo Skopje има амбиција да стане еден од најатрактивните настани од овој тип кај нас и вистинска пролетна станица за сите љубители на убавината.

Кога, каде и како до билет?

Beauty Expo Skopje ќе се одржи во хотел Александар Палас – Скопје, на површина од 2.000 м², во периодот од 3 до 5 април.

Работно време:
Петок, 3 април: од 18:00 до 22:00 часот
Сабота, 4 април: од 10:00 до 20:00 часот
Недела, 5 април: од 10:00 до 20:00 часот

Билетите се достапни преку mktickets по цена од 200 денари, а ќе може да се купат и на касата на влезот во хотелот.

Ако сакате убавина – ова е местото каде треба да бидете

Во време кога козметиката и негата одамна не се само навика, туку дел од стилот на живеење, Beauty Expo Skopje доаѓа како настан што на едно место ги обединува производите, луѓето, трендовите и понудите што сите сакаат да ги видат одблизу.

Затоа, ако сакате да бидете во тек со новитетите, ако сакате да купувате паметно, ако сакате да откриете што е актуелно во светот на убавината и ако сакате три дена исполнети со гламур, инспирација и специјални понуди – резервирајте си време за Beauty Expo Skopje.