Најгламурозната вечер во Венеција не беше на црвениот тепих: Miu Miu собра спектакуларна женска екипа

Црвениот тепих можеби ги има камерите, но една од најинтересните вечери на Венецискиот филмски фестивал годинава се случи далеку од официјалните премиери.

Miu Miu ја организираше својата традиционална вечера во Fondazione Prada, а листата на гости изгледаше како спој на филмски фестивал, модна недела и холивудска забава.

Меѓу присутните беа Памела Андерсон, Аманда Сајфред, Сузан Сарандон, Меги Џиленхол, Chloé Zhao, Laura Poitras, Kaouther Ben Hania, Orlando Bloom и Taika Waititi.

Поводот не беше само модата

Вечерата беше поврзана со проектот Miu Miu Women’s Tales, долгогодишната иницијатива на брендот преку која им се дава простор на жени режисерки да снимаат кратки филмови со целосна креативна слобода.

Годинава централно место имаа филмовите на Mona Fastvold и Claire Denis, па вечерта намерно ги спои жените од филмот со жените од модата.

И токму затоа атмосферата била сосема поинаква од класичната celebrity забава.

Памела, Аманда и Сузан – три генерации, три различни стила

Памела Андерсон продолжи со својата нова, многу поприродна fashion ера, далеку од bombshell имиџот со кој стана позната.

Аманда Сајфред ја задржа романтичната и женствена линија, додека Сузан Сарандон повторно покажа дека возраста нема никаква врска со модната храброст.

Но најинтересното е што вечерта не изгледала како натпревар „која ќе облече поголем фустан“.

Напротив – Miu Miu повторно го наметна оној малку чуден, интелигентен и намерно несовршен стил по кој брендот стана препознатлив.

И масата била дел од модната приказна

Vogue открива дека Miuccia Prada внимавала дури и на деталите на самата вечера.

Гостите вечерале на Meissen порцелан и стари ленени чаршафи од личната колекција на Mrs. Prada, а на менито имало италијански специјалитети како culatello и risotto со stracciatella. Разговорите и шампањот продолжиле долго по полноќ.

И можеби токму затоа ова била една од оние вечери што најдобро го објаснуваат вистинскиот луксуз:

не само што носите – туку со кого седите на маса, каде сте и каква приказна стои зад целиот настан.