На црвениот тепих во Венеција, Елена Радоничиќ се појави во бела креација на Stella McCartney од колекцијата пролет лето 2026, со чиста, скулптурална линија и асиметрично драпирање кое ѝ даде модерен и многу елегантен изглед.
Но вистинското изненадување дојде одоздола.
Наместо класични nude или металик салонки, актерката избра Roger Vivier во силна кисело зелена нијанса, со впечатлива неонско розова роза на врвот. Токму тој неочекуван контраст го претвори иначе минималистичкиот изглед во една од најзабележливите модни комбинации на фестивалот.
Косата ја носеше во меки, природни бранови, шминката беше свежа и ненаметлива, а накитот Crivelli, дијамантска повеќередна нараквица и висечки обетки, само дискретно го дополни целиот стајлинг.
Бел фустан, чиста линија и чевли кои го менуваат целиот карактер на изгледот.
Понекогаш е доволен само еден детаљ за класичната елеганција да стане мода за која сите зборуваат.
About The Author
