Никол Пелц повторно како невеста, белиот фустан ги врати сите на нејзината свадба
Никол Пелц Бекам повторно се појави во бело и веднаш ги разбуди свадбените асоцијации.
На црвениот тепих на Deauville American Film Festival во Франција, актерката избра елегантен бел фустан од Alberta Ferretti, со чиста линија и романтичен, речиси невестински впечаток. До неа беше сопругот Бруклин Бекам во класичен црн костум, па целиот изглед уште повеќе потсетуваше на свадбена сцена.
Никол и Бруклин последниве недели повторно се почесто во јавноста. Таа неодамна беше и на Венецискиот филмски фестивал, каде што доби Rising Star признание за улогата во новиот филм Prima.
Но овојпат модата го украде вниманието.
Белиот фустан, минималистичкиот стајлинг и нивната појава рака под рака беа доволни Vogue да забележи дека кај Никол и Бруклин речиси секој црвен тепих изгледа како уште една свадбена патека.
За Во Бело, ова е уште еден доказ дека bridal изгледот одамна не е резервиран само за свадбениот ден.
About The Author
