Бојана Нушкова за Атеље Сониа
„Бракот не успеа, ама венчаницата беше прекрасна“: Мама Џун ја продава венчаницата на ќерка ѝ по разводот
Некои по разводот ги тргаат фотографиите, други го враќаат прстенот, а во семејството на Мама Џун решиле да расчистат и со венчаницата.
Ријалити ѕвездата Џун „Мама Џун“ Шенон објави дека ја продава венчаницата на својата ќерка Џесика „Чабс“ Шенон, откако нејзиниот брак со Шајан МекКант заврши по помалку од една година.
А Мама Џун, во свој препознатливо директен стил, ја започна објавата со реченицата:
„Бракот не успеа, ама венчаницата беше прекрасна.“
И тешко дека можеше подобро да ја рекламира. 
Од 1.500 на 800 долари
Според нејзината објава, венчаницата првично чинела 1.500 долари, а сега се продава за 800 долари или најдобра понуда.
Фустанот е во големина 20W, не бил преправан, има дури и џебови, а Мама Џун тврди дека нема дамки. Единствено признава дека по свадбата сè уште не бил однесен на хемиско чистење.
На фотографиите се гледа романтична венчаница со проѕирни детали, тантела и длабоко деколте.
Брак кој траеше само неколку месеци
Џесика и Шајан се венчаа во септември 2025 година, а разводот официјално беше финализиран на 27 август 2026 година. Џесика по разводот го врати и своето моминско презиме.
Двојката претходно беше дел и од реалното шоу Mama June: Family Crisis, па нивната врска и свадба беа добро познати на публиката.
Иако разделбата првично беше претставена како заедничка одлука, подоцна нивниот развод повторно се најде во медиумите поради јавни тврдења за неверство.
А венчаницата бара нова невеста
Мама Џун вели дека може да ја испрати венчаницата или заинтересираната невеста лично да ја подигне во Џорџија.
И можеби ова е најнеобичниот дел од целата приказна: еден брак заврши, но фустанот добива шанса за сосема нова љубовна приказна.
А ние би ве прашале:
Дали би купиле половна венчаница од брак што завршил со развод – или сте од оние што велат дека венчаницата „носи енергија“ од првата невеста? 👰♀️
About The Author
