Кога свадбата ќе стане концерт: Снуп Дог ненадејно се појави на раскошна ерменска свадба во Беверли Хилс
Гостите дошле на свадба, а добиле мини хип-хоп концерт.
На раскошната свадба на Вахе Тчагласијан и Кристина, одржана на 13 септември во областа Беверли Хилс, најголемото изненадување на вечерта бил Снуп Дог, кој ненадејно се појавил на сцената и настапил пред младенците и гостите.
Појавувањето било чувано како тајна, а кога раперот излегол на сцената, телефоните веднаш се кренале во воздух. Снимките за кратко време почнале да кружат на социјалните мрежи и ја претвориле приватната прослава во настан за кој се зборува многу пошироко од кругот на поканетите.
Снуп Дог настапил заедно со диџеј Семи Флеш и извел дел од своите најпознати песни. Меѓу нив биле „Nuthin’ but a ‘G’ Thang“ и „Young, Wild & Free“, а други извори наведуваат дека се слушале и „Still D.R.E.“ и „P.I.M.P.“.
Но најинтересниот момент бил што раперот не останал само на дистанца како „најменета ѕвезда“. На видеата се гледа како им приоѓа на младенците, ги прегрнува и им честита, додека прославата продолжува околу нив.
Диџеј Семи Флеш подоцна ја опишал вечерта како „свадба на векот“, а по снимките што се појавија на интернет, тешко е да се каже дека претерувал.
Колку чинел приватниот настап на Снуп Дог засега не е јавно потврдено. Токму затоа сите проценки за хонорарот треба да се земаат со резерва.
Но едно е сигурно: младенците успеале свадбената забава да ја претворат во нешто многу повеќе од класична прослава.
Свадбата трае една вечер, но кога на сцената ќе ви излезе Снуп Дог – приказната останува многу подолго.
About The Author
