Како најскапа bridal ревија на светот: Valentino, Armani, Dolce&Gabbana, Gucci и Prada во бело – додека Алиша Кис пееше во живо
Финалето на Vogue World: Milano 2026 беше еден од оние модни моменти што тешко се гледаат само како „уште една ревија“.
Во историската Galleria Vittorio Emanuele II, меѓу архитектурата, светлата и публиката, на пистата почнаа да се појавуваат модели во бели, ivory и иридесцентни фустани. Сцената изгледаше речиси како најлуксузната bridal ревија што можеме да ја замислиме. 
А атмосферата стана уште посилна кога Алиша Кис седна на пијаното во центарот на галеријата и ја отпеа „I Feel Love“ од Donna Summer, додека околу неа дефилираа моделите во етерични бели креации. Таа практично го затвори Vogue World со момент кој беше истовремено концерт, couture ревија и вистински моден спектакл.
Wedding Expo Skopje 2027 – 15 години љубов, стил и инспирација.
Не беа венчаници – но изгледаа како bridal соништа
Овој последен сегмент е наречен „Memory Dresses“.
За него осум големи италијански модни куќи – Valentino, Giorgio Armani, Dolce&Gabbana, Gucci, Fendi, Ferragamo, Bottega Veneta и Prada – создадоа специјални бели и ivory изгледи за финалето. Vogue Italia објаснува дека белата е избрана како боја што остава простор за различни приказни и може да ги поврзе минатото, сегашноста и иднината на италијанската мода.
И иако официјално ова не беше bridal колекција, за нас што ја следиме венчалната мода асоцијацијата беше неизбежна.
Корсети, органза, огромни здолништа, проѕирни слоеви, кристали, шлепови и скулптурални силуети – речиси сè што може да ја дефинира една модерна couture невеста беше таму.
Valentino – невеста од некоја друга димензија
Valentino понуди огромна, воздушеста форма од iridescent techno organza со богати набори и волумен.
Фустан што изгледа како да лебди.
Не е класична невеста, туку визија за жена која сака венчаницата да биде главниот момент на целата свадба. (Vogue Italia)
Armani – бел фустан со посебна тежина
Еден од најемотивните изгледи беше Armani Privé.
Белата креација со долги ракави, тесен горен дел и широко здолниште беше изработена од organza и silk tulle со кристални детали. Vogue Italia ја издвојува како единствениот изглед во финалето што не бил создаден специјално за настанот.
Класичен, чист и раскошен – токму она што многу невести го бараат кога велат дека сакаат „безвременска“ венчаница.
Dolce&Gabbana – кога невестата сака спектакуларен влез
Dolce&Gabbana, очекувано, не одбраа тивка варијанта.
Корсет, драпиран тафт и големи слоеви тул создадоа силуета која буквално бара простор.
Ова е невестата која не сака само да влезе во салата.
Сака сите да престанат да зборуваат кога ќе влезе.
Gigi Hadid во Gucci – модерна невеста без класичен балски фустан
Другата крајност беше Gucci.
Gigi Hadid се појави во долга бела column силуета со чисти линии, нагласено тело и светкав ефект.
Ова е оној bridal минимализам што не е едноставен, туку секси, модерен и многу свесен за телото.
Ferragamo – шлеп што не може да остане незабележан
Ferragamo понуди крем chiffon фустан со драматичен четириметарски шлеп и кристални детали.
И токму шлепот е една од работите што најсилно ги забележавме низ финалето.
По неколку сезони на посмирени bridal силуети, повторно се чувствува желба за театар, движење и фотографија што изгледа спектакуларно од секој агол.
Prada го стави последниот моден потпис
Финалето го затвори Vittoria Ceretti во Prada, во лесна, слоевита креација со флорални детали и речиси транспарентна структура.
Не класична принцеза, туку нешто помеѓу модерна невеста, couture и уметничка инсталација. (Vogue Italia)
И тогаш остана само Алиша Кис
Додека белите фустани се движеа низ галеријата, Алиша Кис на пијано ја пееше „I Feel Love“.
Нејзиниот сопствен фустан, создаден од проектот Bureau of Imagination на Francesco Risso и Alex Sossah, бил составен од различни парчиња сатен, chiffon, georgette и crêpe de Chine, со огромен рачно насликан шлеп.
И токму музиката направи финалето да изгледа уште повеќе како свадбен сон.
Бела писта.
Фустани што се движат како вел.
Пијано среде Милано.
И гласот на Алиша Кис како музичка подлога.
Тешко е да се смисли поубаво финале.
Дали ова е најава за bridal 2027?
Иако Memory Dresses не се официјална bridal колекција, тие испратија многу силни сигнали што лесно можат да се префрлат во венчалната мода за 2027:
повеќе волумен, корсети, драматични шлепови, organza, проѕирни слоеви, кристали, скулптурални детали и помалку страв од спектакл.
Со други зборови – минимализмот нема да исчезне.
Но невестата што сака да изгледа како невеста повторно има многу поголем простор.
И ако Милано ни даде некаква насока, 2027 би можела да биде година во која bridal модата повторно ќе биде голема, женствена и без извинување гламурозна.
About The Author
