Лондон ја презема модната штафета: McQueen се враќа дома, а M&S првпат излегува на писта
По Њујорк, модниот караван денес се сели во Лондон. London Fashion Week Spring/Summer 2027 започнува на 17 септември и трае до 21 септември, со програма што годинава изгледа посилно и поразновидно од вообичаено.
Британскиот Fashion Council најавува 47 ревии, 23 презентации, 10 дигитални активации и 53 вечерни настани, со комбинација од големи модни куќи, нови имиња и retail брендови што првпат влегуваат толку директно во Fashion Week форматот.
McQueen повторно во Лондон
Најголемото внимание е насочено кон Alexander McQueen, кој се враќа на официјалната лондонска програма со колекцијата за пролет/лето 2027.
Тоа ќе биде и првото лондонско шоу на Seán McGirr како креативен директор на куќата. McQueen со години најчесто ги претставуваше колекциите во Париз, а враќањето во градот каде што брендот ја започна својата приказна веќе се смета за еден од најважните моменти на сезоната. 
Christopher Kane го презема Mulberry
Уште едно големо деби е Christopher Kane за Mulberry.
Кејн, еден од најпознатите британски дизајнери на својата генерација, ќе ја претстави својата прва колекција за модната куќа, што автоматски ја става ревијата меѓу најочекуваните во Лондон.
И Marks & Spencer оди на Fashion Week
Но можеби најнеочекуваниот потег доаѓа од Marks & Spencer.
Британскиот гигант, кој одбележува 100 години во модата, за првпат ќе има сопствена ревија на London Fashion Week. Колекцијата ќе биде во формат „see now, buy now“, односно парчињата ќе можат да се купат веднаш по нивното претставување.
Тоа е уште еден знак дека границата помеѓу висока мода, high street и директна продажба станува сè потенка.
Wedding Expo Skopje 2027 – 15 години љубов, стил и инспирација.
Burberry повторно ќе го има последниот збор
На програмата се и британските модни имиња Burberry, Erdem, Simone Rocha, Harris Reed, Richard Quinn, Roksanda и Emilia Wickstead, а Burberry повторно ќе биде еден од клучните моменти кон крајот на неделата.
H&M, пак, подготвува посебен настан со фотографот Nick Knight и SHOWstudio, додека Barbour исто така се приклучува на официјалната програма.
Оваа сезона Лондон очигледно сака да покаже дека не е само станица помеѓу Њујорк и Милано.
Со враќањето на McQueen, новото поглавје на Mulberry и првото Fashion Week појавување на Marks & Spencer, британската престолнина повторно сака да биде местото каде што модата ризикува, експериментира и изненадува.
About The Author
