Објавени се номинациите за годинашните MTV Video Music Awards, а на врвот на листата се две од најголемите музички ѕвезди – Мадона и Тејлор Свифт.
Мадона годинава влегува во трката со дури 11 номинации, додека Тејлор Свифт има девет. Веднаш зад нив се Аријана Гранде и Сабрина Карпентер со по седум номинации.
Особено интересна ќе биде категоријата „Видео на годината“, каде меѓу номинираните се Аријана Гранде, Бруно Марс, Мадона, Сабрина Карпентер и Тејлор Свифт. Мадона е номинирана со „Confessions II – The Film“, додека Тејлор Свифт се натпреварува со „The Fate of Ophelia“.
Голема борба се очекува и за титулата „Изведувач на годината“. Во оваа категорија се номинирани Аријана Гранде, Бруно Марс, Мадона, Морган Волен, Сабрина Карпентер и Тејлор Свифт.
Во категоријата „Песна на годината“ повторно има силна конкуренција. Меѓу номинираните се BTS, Оливија Дин, RAYE, како и Мадона и Сабрина Карпентер со заедничката песна „Bring Your Love“.
Мадона и Сабрина Карпентер со истата песна се најдоа и меѓу кандидатите за „Најдобра соработка“, каде конкуренција им се PinkPantheress и Зара Ларсон, Шакира и Бурна Бој, како и други познати музички имиња.
Свеченото доделување на MTV Video Music Awards ќе се одржи во недела, 27 септември во Лос Анџелес, а церемонијата ќе се пренесува во живо.
Фановите веќе можат да гласаат во 13 категории, а гласањето ќе трае до 25 септември. Исклучок е категоријата „Најдобар нов изведувач“, за која гласањето ќе продолжи и за време на самата церемонија.
Со 11 номинации, Мадона засега е најноминираната ѕвезда на годинашните VMA, но со девет номинации Тејлор Свифт е веднаш зад неа.
Ќе доминира ли поп-иконата Мадона или Тејлор Свифт повторно ќе ја освои вечерта? Одговорот ќе го дознаеме на 27 септември.
About The Author
