Памела Андерсон во црвено како Мерилин Монро – модна сензација во Њујорк
Еден капут, црни ракавици и фризура во стилот на Мерилин Монро – толку ѝ беше потребно на Памела Андерсон за повторно да одржи модна лекција.
Памела Андерсон (59) уште еднаш докажа дека вистинскиот гламур не бара премногу детали. На свечената вечера организирана од познатиот бренд за накит „Pandora“ во Њујорк, актерката се појави во впечатливо рубинцрвено издание кое веднаш привлече внимание.
Наместо класичен вечерен фустан, Памела избра луксузен кашмирски капут од модната куќа Auter, кој го носеше како фустан. Широките ракави, елегантниот крој без јака и ременот што ја нагласува половината создадоа совршена комбинација на женственост и софистицираност.
Целосниот изглед го надополни со црни кожени ракавици, проѕирни чорапи и елегантни високи потпетици од Giuseppe Zanotti.

Мерилин Монро во модерно издание
Посебно внимание привлече нејзината платинесторуса коса, обликувана во раскошни локни кои неодоливо потсетуваа на холивудската легенда Мерилин Монро.
Шминката остана природна и ненаметлива, во согласност со новата филозофија на убавина што Памела ја промовира последниве години.
WEDDING EXPO SKOPJE 2027 – ТРИ ДЕНА МОДА, ГЛАМУР И ГОЛЕМ СВАДБЕН СПЕКТАКЛ!
Со ова појавување Памела Андерсон испрати јасна модна порака: понекогаш едно впечатливо парче облека е доволно за да изгледате како вистинска холивудска ѕвезда.
А црвената боја, очигледно, ќе има посебно место во празничната мода оваа зима.