„Сандра Булок три години молчеше за најголемата болка: сега откри зошто никому не смеела да каже“

Сандра Булок првпат отворено проговори за најтешкиот период во својот живот – болеста и смртта на долгогодишниот партнер Брајан Рандал, кој почина во август 2023 година на 57 години по тригодишна борба со ALS.

Актерката откри дека Рандал сакал неговата дијагноза да остане целосно приватна, па таа со години го почитувала неговото барање и речиси никому не кажувала низ што поминуваат.

„Не смеев да зборувам за тоа. Тоа беше неговото барање“, раскажала Булок во подкастот SmartLess, додавајќи дека тајноста ја оставила многу осамена во периодот кога истовремено се грижела за партнерот и за нивното семејство.

Булок признала и дека нејзиното тагување започнало многу пред неговата смрт, бидејќи болеста постепено го менувала нивниот заеднички живот. За Рандал и понатаму зборува како за „својот човек“ и љубовта на својот живот.

По неговата смрт таа се повлече од јавноста и се посвети на децата и семејството. Сега, по подолга пауза, полека се враќа и на филмското платно со „Practical Magic 2“, чија премиера е најавена за септември 2026 година.

About The Author