Вечерва Холивуд повторно блеска: Еми 2026 носи Зендаја, Харисон Форд и црвен тепих што сите ќе го гледаат
Телевизискиот Холивуд вечерва се собира во Peacock Theater во Лос Анџелес на 78. доделување на Еми наградите, а оваа година интересот не е само за победниците.
Црвениот тепих повторно ќе биде една од главните модни сцени, а меѓу ѕвездите кои се очекуваат се Зендаја, Софија Вергара, Флоренс Пју, Џејми Ли Кертис, Метју Меконахи, Џон Хам и Ејми Полер. Водителка на вечерта е Маришка Харгитеј, која уште пред главната церемонија освои две Creative Arts Emmy награди за документарецот „My Mom Jayne“.
Една од приказните што најмногу се следат е Харисон Форд. На 84 години, легендарниот актер има шанса да ја освои својата прва Еми награда, за улогата во „Shrinking“.
На другата страна е Зендаја, која повторно е меѓу главните актерски имиња благодарение на последната сезона на „Euphoria“, а вечерва ќе биде и презентерка.
Меѓу сериите, „The Pitt“ води со 25 номинации, веднаш пред „Hacks“ со 24, додека „Widow’s Bay“ и „Pluribus“ исто така се меѓу големите фаворити.
А организаторите подготвуваат и мала доза носталгија: ќе се одбележат 30 години од „Buffy the Vampire Slayer“ и 50 години од „Charlie’s Angels“, со појавувања на дел од оригиналните ѕвезди.
Но за нас вечерва едно прашање ќе биде речиси исто важно како „кој ја освои Еми?“:
Кој ќе го освои црвениот тепих?
About The Author
