Свадба на векот или уште една гласина? Роналдо и Георгина наводно се венчаваат в сабота
Кристијано Роналдо и Георгина Родригес повторно се во центарот на светското внимание откако во португалските медиуми се појавија тврдења дека славната двојка ќе се венча во сабота, 1 август.
Според информациите што се проширија низ медиумите и социјалните мрежи, церемонијата наводно треба да се одржи во спектакуларниот дворец Кинта да Регалеира во Синтра, Португалија. Сепак, од двојката засега нема официјална потврда, а дел од странските медиуми веќе тврдат дека веста не е точна.
Само тројца активни фудбалери на списокот?
Особено внимание предизвика наводниот список на гости. Според информациите што кружат, меѓу поканетите активни фудбалери се само три ѕвезди од Реал Мадрид – Килијан Мбапе, Винисиус Жуниор и Родриго.
Интересно е што Роналдо никогаш не играл во ист тим со нив во Реал Мадрид, иако тие денес се дел од клубот во кој Португалецот ги помина најуспешните години од кариерата.
Засега не е познато дали на свадбата би присуствувале негови соиграчи од Ал-Наср или поранешни колеги од Манчестер јунајтед, Јувентус и португалската репрезентација.
Холивудски и музички ѕвезди меѓу гостите
На наводниот список се споменуваат и бројни познати личности од светот на музиката, филмот, спортот и интернетот.
Меѓу нив се Вин Дизел, Ријана, Џенифер Лопез, Дрејк, Тревис Скот, Пирс Морган, Хабиб Нурмагомедов, Рио Фердинанд и популарниот јутјубер Ајшоу Спид.
Доколку барем дел од овие имиња навистина пристигнат во Португалија, свадбата без сомнение би станала еден од најголемите светски настани во шоу-бизнисот оваа година.
Се појавија со слични дијамантски прстени
Гласините дополнително се засилија откако Роналдо и Георгина беа фотографирани со впечатливи дијамантски прстени додека се качувале на јахта на Мајорка.
Фотографиите веднаш беа протолкувани како можен знак дека свадбата е многу блиску. Сепак, според дел од медиумите, Кинта да Регалеира наводно треба да биде отворена за посетители во текот на викендот, што дополнително ја доведува во прашање приказната за тајната церемонија. (thesun.co.uk)
„Во овој живот и секој нареден“: Андријана Ацевска го покажа вереничкиот прстен
Друг извор тврди дека свадба нема да има
Шпанското издание „Hola!“ објави дека информацијата за венчавка на 1 август е неточна и дека двојката нема да се венча овој викенд.
Според нив, на интернет се проширила и наводна покана со необичен кодекс на облекување во црна боја, но тие тврдат дека успеале да потврдат дека церемонијата нема да се одржи на наведениот датум. (HOLA! USA)
Новата љубов на Оливија Родриго е поранешен спортист и успешен финансиски експерт
Заедно се една деценија
Роналдо и Георгина се запознале во 2016 година во продавница на „Гучи“ во Мадрид, каде што таа работела како продавачка.
Од тогаш изградија заеднички живот и семејство, а со години се поставува прашањето кога конечно ќе застанат пред олтар. Роналдо и претходно јавно кажал дека сака да се ожени со Георгина и дека ја смета за жената со која сака да го помине животот.
Засега, приказната за свадба во сабота останува само гласина. Но со оглед на таинственоста што ја следи двојката, јавноста веројатно ќе ја дознае вистината дури кога ќе се појават првите официјални фотографии.
Дали Роналдо и Георгина навистина подготвуваат тајна свадба или јавноста повторно наседна на добро спакувана гласина?
About The Author
