Џон Малкович е неочекуваниот моден крал на Венеција: На 72 години им одржа лекција по стил на сите
На Венецискиот филмски фестивал годинава има многу спектакуларни фустани, couture креации и внимателно стилизирани ѕвезди. Но една од најинтересните модни приказни доаѓа од човек од кого можеби најмалку би ја очекувале.
Џон Малкович, на 72 години, стана еден од модните фаворити на Венеција 2026.
Vogue дури го прогласи за свој „моден крал на фестивалот“, откако актерот се појави во серија ексцентрични, но исклучително добро осмислени комбинации. 
Тој не е само актер кој сака добра облека
Интересот на Малкович кон модата не е нов.
Уште на факултет студирал костимографија, а на почетокот на актерската кариера работел и во гардеробата на театарската компанија Steppenwolf во Чикаго.
Со години собира ретки и vintage ткаенини, а во 2010-тите дури имал и сопствен моден бренд Technobohemian. Уште во 1989 година одел на ревија за Comme des Garçons, а во 1995 се појавил во првата машка кампања на Prada.
Во Венеција пристигна со кошула со четири ракави
И тука почнува забавниот дел.
За возењето со водено такси низ Венеција, Малкович избрал необична Hodakova кошула со дополнителен пар ракави прикачени на рамениците.
Не е комбинација што би можел секој да ја изнесе.
Но кај Малкович изгледа како најнормалната работа на светот. 
Бел Bode костум и влечки направени од килим
За прес-конференцијата на филмот „Wild Horse Nine“, актерот се појавил во бел Bode костум, ретро кошула со принт и вратоврска инспирирана од 1950-тите.
Но најинтересни биле обувките – mules изработени од килim тепих, дизајнирани од King Kennedy од Лос Анџелес.
Звучи хаотично, но визуелно целата комбинација функционира затоа што Малкович има многу јасен личен стил.
А за црвениот тепих – Шекспир со моден пресврт
За вечерната премиера, тој избрал широк црн костум и крем кошула со набран висок јакаст детал што потсетува на елизабетанска ruff јака.
Vogue токму овој look го издвојува како свој омилен од фестивалот досега.
И навистина, има нешто многу „Малкович“ во него – малку театар, малку историја на костимот, малку ексцентричност и многу самодоверба.
Модата кај него не изгледа како договор со бренд
Токму тука е разликата.
Додека многу познати на црвен тепих носат нешто затоа што имаат договор со одредена модна куќа, кај Малкович се чувствува дека навистина ужива во облеката.
Неговиот стил не изгледа како задача.
Изгледа како продолжение на неговиот карактер.
И можеби токму затоа на фестивал преполн со огромни фустани и милионски накит, 72-годишниот Џон Малкович успеа да стане една од најинтересните модни фигури.
About The Author
