Каква мајка, таква ќерка? Ќерката на Брижит Макрон е 20 години постара од новото момче
Изгледа дека големата разлика во години во љубовта не е нешто необично во семејството на француската прва дама.
Тифен Озиер, 42-годишната ќерка на Брижит Макрон, откри дека е во врска со 22-годишниот Антоан Леконт, студент по бизнис кој е дури 20 години помлад од неа.
Тифен неодамна објавила видео на Instagram со моменти од нивното заедничко патување во Амстердам, со што практично ја потврдила новата романса.
Според француските медиуми, двајцата се запознале летово во Le Touquet, крајбрежното место во северна Франција кое семејството Макрон добро го познава. Антоан таму работел како инструктор по kitesurfing, а токму заедничката љубов кон спортот, патувањата и авантурите наводно ги зближила.
Паралелата со Брижит Макрон е неизбежна
Новата врска веднаш предизвика споредби со љубовната приказна на нејзината мајка.
Брижит Макрон има 25 години повеќе од сопругот, францускиот претседател Емануел Макрон. Тие се запознале кога Макрон бил ученик во училиштето во Амиен каде Брижит предавала. Подоцна стапиле во брак во 2007 година, кога тој имал 29, а таа 54 години.
Денес тие се еден од најпознатите светски парови со голема разлика во години.
Брижит наводно ја поддржува ќерката
Според извор близок до првата дама, Брижит е задоволна што нејзината ќерка е среќна и нема проблем со разликата во години.
За Тифен ова е ново поглавје по претходната врска со францускиот телевизиски водител Сирил Хануна, која завршила во мај годинава. Таа има и две деца од претходна врска, а според медиумските информации, новиот партнер веќе ги запознал.
И додека на интернет повторно се водат дебати дали 20 години разлика се премногу, очигледно Тифен не дозволува бројките да ѝ диктираат со кого ќе биде среќна.
About The Author
