Зошто бившите се враќаат баш кога ќе продолжиме понатаму?
Телефонот молчи со недели или месеци. Веќе сте престанале да проверувате дали е онлајн, не го гледате секое „стори“, конечно почнувате да се чувствувате добро…
И тогаш стигнува порака:
„Како си?“
Случајност? Не секогаш.
Поранешните партнери често повторно се појавуваат кога ќе почувствуваат дека повеќе немаат исто место во нашиот живот. Понекогаш причината е носталгија, понекогаш осаменост, љубопитност или потреба да проверат дали „вратата е сè уште отворена“. А понекогаш едноставно им недостига чувството дека некој ги сака и ги чека.
Социјалните мрежи само ја прават целата приказна покомплицирана. Едно „стори“, лајк на стара фотографија или ненадејно следење лесно се претвора во порака која можеби воопшто не постои.
Но најважното прашање не е:
„Зошто се врати?“
Туку:
„Дали се врати затоа што навистина сака нешто поинаку – или само сака да знае дека сè уште може да ме има?“
И тука е целата разлика.
Бившиот што се враќа со зборови е едно.
Бившиот што се враќа со јасна намера, промена и одговорност е нешто сосема друго.
About The Author
