„Мадона го прослави 68. роденден на Крф: грчка музика, кршење чинии и забава до два по полноќ“
Мадона на 16 август го прославила 68. роденден на Крф, во традиционална таверна во селото Курамадес, опкружена со семејството, пријателите и партнерот Аким Морис. Со неа биле пет од нејзините шест деца, а забавата поминала во вистински грчки стил – традиционална храна, музика, танцување на „Zorba the Greek“ и кршење чинии. 
За прославата Мадона избрала впечатлива златно-цветна тоалета со светкави детали, а фотографиите ги споделила на Инстаграм. Забавата траела до околу два часот по полноќ, а престојот на Крф бил дел од нејзиниот еднонеделен одмор во Грција, за време на кој ја посетила и Метеора.
About The Author
