Крајот на август секогаш го носи истото прашање: што од летната гардероба може да продолжиме да го носиме и кога ќе залади?
Модните трендови за преминот од лето во есен 2026 велат – многу повеќе отколку што мислите. Меѓу парчињата што остануваат актуелни се мини здолништата, топовите без прерамки, карираните дезени и моделите со нагласено деколте.
Особено се издвојуваат camel јакните и сакоата, кои лесно се комбинираат со летен фустан или фармерки, додека кошулите, лесните кардигани и широките панталони се идеални за деновите кога утрата се посвежи, а попладнето сè уште е топло.
Дури и летните сандали не мора веднаш да ги тргнете – комбинацијата со фармерки и тенок џемпер веќе се наметнува како една од наједноставните комбинации за преминот кон есен.
Значи, оваа есен не ви треба целосно нова гардероба – доволни се неколку добри слоеви и паметно комбинирање на она што веќе го имате.
About The Author
