katie-holmes-jason-bard-yarmosky-
По години тишина за љубовта, Кејти Холмс повторно е заљубена – и повеќе не се крие
Кејти Холмс влезе во ново љубовно поглавје, а овојпат не се обидува премногу да го сокрие.
47-годишната актерка деновиве ужива на романтичен одмор на езерото Комо со својот нов партнер, њујоршкиот уметник Џејсон Бард Јармоски. На фотографиите што ги споделија на Instagram, двајцата се гледаат на брод, како се сончаат, се смеат и уживаат далеку од холивудскиот метеж.
Од дискретни излегувања до Instagram official
Кејти и Џејсон првпат беа поврзани во јули, кога беа забележани како се држат за рака на филмска проекција во Хемптонс.
Според PEOPLE, тие се запознале претходно на вечера и брзо се поврзале преку заедничката љубов кон уметноста и креативноста. Очевидци уште тогаш забележале дека делувале многу опуштено еден со друг.
Неколку недели подоцна следуваа заеднички јавни појавувања, а на почетокот на септември Кејти конечно ја направи врската Instagram official.
За роденденот на Џејсон таа објави нивна интимна фотографија и напиша: „Happy Birthday to the best of the best“, со што практично стави крај на сите шпекулации.
Кој е човекот покрај Кејти?
Џејсон Бард Јармоски е њујоршки уметник, познат по своите слики и цртежи во кои често ги истражува темите на стареењето, меморијата и човечката ранливост.
Токму тој свет на уметноста очигледно бил една од работите што ги споиле.
Наместо типична холивудска врска меѓу двајца актери, Кејти овојпат избрала човек чиј живот е повеќе поврзан со галерии и студија отколку со црвени теписи.
Италија изгледа како нивниот вистински „debut“
Фотографиите од Комо покажуваат една многу поопуштена Кејти.
Таа беше фотографирана во бело бикини, подоцна и во елегантен црн фустан, додека со Џејсон уживаше во пловење по езерото, капење и долги моменти на сонце.
И можеби токму тоа е најинтересниот дел од приказната.
По години во кои Холмс многу внимателно го чуваше приватниот живот, овојпат изгледа дека не ѝ пречи светот да види дека е среќна.
About The Author
