Долгата руса коса со која со години ја препознававме Марго Роби полека заминува во историјата. Холивудската убавица (36) се појави со значително пократка, посветла и поелегантна фризура, а модните уредници веќе ја издвојуваат како еден од најинтересните трендови за зимата 2026/27. Новиот изглед е доказ дека понекогаш само неколку сантиметри помалку се доволни за целосна промена.
Марго Роби го претстави својот нов изглед за време на ревијата на модната куќа Chanel во Сиднеј, на 5 ноември.
Иако актерката веќе неколку месеци експериментира со пократка коса, најновата промена е особено впечатлива.
Нејзината некогашна коса во топли, карамелни нијанси сега е заменета со многу посветла руса боја, додека должината е скратена до пределот околу вилицата.
Резултатот е модерна, прецизна и исклучително елегантна боб-фризура.
Збогум на долгите локни, добредојде за „power bob“
Модните и бјути магазини Vogue и Allure го опишуваат новиот изглед на Марго како дел од трендот „power bob“.
Станува збор за кратка фризура со јасна, речиси геометриска линија и рамномерно потстрижени врвови.
За разлика од разбушавените боб-фризури што беа популарни претходните сезони, овој стил изгледа поуредно, пософистицирано и поодлучно.
Косата може да се носи целосно права или со благо свиткани врвови.
Токму така Марго ја стилизираше својата нова фризура на ревијата на Chanel.
Со длабок патец на страна и нежно извртени врвови нанадвор, актерката доби изглед што потсетува на холивудскиот гламур од минатите децении, но во современа верзија.
Руса боја што ги руши зимските правила
Особено интересна е промената на бојата.
Додека во есенските и зимските месеци многу жени избираат потемни и потопли тонови, Марго направи нешто сосема спротивно.
Нејзината коса сега комбинира многу светли руси нијанси, меѓу кои нежна платинеста, бебешкоруса и светлозлатна.
Суптилно потемниот корен создава природен премин, а на целата фризура ѝ дава длабочина.
Според Allure, токму комбинацијата од ладни и нежно топли тонови ја прави фризурата посвежа и помодерна.
Наместо целосно еднолична руса боја, резултатот е коса што изгледа сјајно, разиграно и луксузно.
Дали ова е фризура за секоја жена?
Бобот е една од најразновидните женски фризури, но неговиот конечен изглед зависи од обликот на лицето, густината и структурата на косата.
Кај жените со тенка коса, рамно потстрижените врвови можат визуелно да создадат впечаток на поголема густина.
Кај погустата коса, фризерот може да ја приспособи тежината на кројот за фризурата да не изгледа премногу широка.
Ако сакате визуелно издолжување на лицето, можете да изберете малку подолга варијанта, со врвови што завршуваат под брадата.
Најважно е должината да се приспособи на вашите црти, а не слепо да се копира фотографија.
Исто така, многу светлите руси нијанси може да бараат дополнителна нега, особено ако косата претходно била фарбана во темна боја.
Како невеста од друг свет: Ања Тејлор-Џој во венчаница стара 29 години што го одзеде здивот!
Марго Роби повторно поставува моден тренд
Новата фризура на актерката совршено се вклопи со нејзината елегантна бела комбинација од Chanel.
Без претерани локни, голем волумен или комплицирани детали, Марго покажа дека минимализмот понекогаш остава најсилен впечаток.
А токму тоа е суштината на новиот боб – едноставен крој, прецизна линија и многу карактер.
И ако размислувате за промена на фризурата пред новогодишните празници, можеби токму Марго Роби ја има инспирацијата што ја барате.
Понекогаш новото поглавје во животот навистина започнува со нова фризура.
WEDDING EXPO SKOPJE 2027 – ТРИ ДЕНА МОДА, ГЛАМУР И ГОЛЕМ СВАДБЕН СПЕКТАКЛ!
About The Author
