Елена Андоновска ја отвори свадбената архива: 10 години љубов со Марјан
Една свадбена фотографија, десет години заеднички живот и многу спомени зад нив.
Македонската пејачка Елена Андоновска одбележа 10 години брак со сопругот Марјан Андоновски, а по тој повод сподели емотивна објава која веднаш привлече внимание.
На колажот што го објави се гледа нивна фотографија од свадбениот ден, на која Елена е во невестинска облека, поставена покрај понова заедничка фотографија.
„10 ❤️ Толку многу зад нас, а ние сè уште на прагот…“, напиша Елена.
Елена и Марјан се и професионално поврзани – и двајцата се дел од Националниот ансамбл за народни игри и песни „Танец“. Во десетте години брак нивното семејство се зголеми со трите сина – Јосиф, Андреј и Лазар. 
Фотографијата од венчавката предизвика бројни честитки, а за нас е и убав потсетник дека понекогаш највредната свадбена фотографија е онаа која по десет години повторно ќе ве врати на самиот почеток.
About The Author
