Славниот спортист повторно е во центарот на љубовна драма. Неговата нова избраничка е една од најубавите манекенки во светот, но приказната има неочекуван пресврт – нејзината блиска пријателка наводно претходно била во врска со него!
Седумкратниот освојувач на Супербоул, Том Брејди (49), по разводот со Жизел Биндшен очигледно не може да им одолее на ангелите на „Викторија сикрет“.
Неговата нова избраничка, според американските медиуми, е јужноафриканската убавица Кендис Свонепул (38), една од најпрепознатливите манекенки во светот.
И додека двајцата се обидуваат да ја држат романсата подалеку од јавноста, една фотографија направена на 30 октомври предизвика вистинска возбуда.
Кендис беше фотографирана во Мајами, облечена во црна спортска комбинација, со голем златен прстен на домалиот прст на левата рака.
Дали станува збор за обичен моден детаљ или за нешто многу посериозно?
Тајни средби во Мајами и прстен што отвори илјада прашања
Според TMZ, Брејди и Свонепул се гледаат уште од јуни годинава, но се трудат нивните средби да останат незабележани.
Наместо во познатите ресторани и ноќни клубови, наводно избираат дискретни локации во близина на домот на Брејди во Мајами.
Извори на американскиот портал тврдат дека во последната недела се гледале речиси секојдневно.
Интересно е што Кендис го носела златниот прстен токму во периодот кога нивната романса станала главна тема во светските медиуми.
Сепак, засега нема потврда дека парот е свршен. Ниту Брејди ниту манекенката јавно ја потврдиле врската или го објасниле значењето на прстенот.
Уште една манекенка, но и нарушено пријателство
Приказната станува уште поинтересна кога во неа ќе се појави името на Џоан Смолс, уште една позната манекенка на „Викторија сикрет“.
Според Us Weekly, Џоан претходно имала повремена романса со Том Брејди во периодот од 2023 до 2024 година.
Таа и Кендис со години биле блиски пријателки, но по вестите за новата врска, нивните односи наводно се нарушиле.
Џоан објавила неколку двосмислени коментари на социјалните мрежи, а медиумите ги протолкуваа како реакција на романсата на нејзината пријателка со поранешниот партнер.
Претставничката на Кендис, сепак, нагласи дека манекенката и понатаму го почитува нивното долгогодишно пријателство.
А што вели Жизел Биндшен?
Поранешната сопруга на Брејди, бразилската супермоделка Жизел Биндшен, исто така со години беше заштитно лице на „Викторија сикрет“.
Таа и Том се разведоа во 2022 година, по 13 години брак, во кој добија две деца.
Според извори блиски до Жизел што ги цитира TMZ, таа не ја доживува новата романса како предавство.
И самата одамна продолжи со својот љубовен живот.
Кендис, пак, претходно беше во долгогодишна врска со бразилскиот модел Херман Николи, со кого има два сина. Двајцата се разделија во 2018 година.
Ќе има ли свадба?
Извори блиски до новата двојка за магазинот People откриваат дека Кендис е импресионирана од вниманието што ѝ го посветува Брејди, како и од неговата посветеност на семејството.
И двајцата се родители, водат активен живот и, според истите извори, ја ценат приватноста.
Но, дали славниот спортист навистина е подготвен повторно да застане пред матичар?
Засега американските медиуми известуваат дека врската се развива без брзање.
А златниот прстен на раката на Кендис останува најголемата мистерија во оваа холивудска љубовна приказна.
About The Author
