Со богата програма и со најдобрите претставници од свадбената индустрија на 21 февруари се отвора традиционалниот Саем за Венчавки “Wedding Expo25”. Ова ќе биде 13то издание на саемот, а по традиција ќе се одржи во хотелот Александар Палас. Саемот ќе ги отвори вратите за посетителите во петок на 21ти во 18ч. а ќе трае до 23ти недела до 18ч.
На настанот ќе земат учество голем број на изложувачи од сите сфери на свадбената индустрија (дизајнери и атељеа за венчаници, ресторани, музички групи, покани, бурми и накит, подароци, декорации за свадба, фотографи, костуми и обувки итн) односно се што е неопходно за организирање на свадбената прослава. Контакт за букирање на простор за изложувач contact@vobelo.mk vobelo.com@gmail.com
Саемот е од изложбено продажен карактер, па така идните младенци ќе имаат можност да ги видат, пробаат и купат своите венчанци, костуми, бурми, да договорат термин за свадба, да букираат бенд, да си обезбедат покани и декорација, фотограф, да пронајдат уникатни подароци за девериците, кумовите и др.
Богатата програма започнува во петок со модната ревија на “Познатите во венчаници и костуми”. Посетителите ќе имаат можност да видат многу познати ликови како модели на венчаници и костуми.
Целата програма ќе биде збогатена и со индивидуални ревии (сабота и недела) како и настап на познати музички бендови.
Влезниците за саемот ќе се продаваат на самиот влез во хотелот како и он лајн, а цената ќе биде симболична 150ден. Со купувањето на билетот се станува и потенцијален добитник на голем број подароци кои ќе се извлекуваат за време на настанот. За идните невести ќе има и голем број на саемски попусти кои несомнено ќе ви го заштедат семејниот буџет.
Организатор на настанот е интернет порталот за културата на венчавките www.vobelo.mk
House of White
