Сара Џесика Паркер не ги сокри седите прамени – ги претвори во најубавиот дел од фризурата
Можеби најинтересното нешто кај новата фризура на Сара Џесика Паркер не е огромната плетенка која потсетува на Рапунзел.
Туку она што намерно не беше сокриено.
Нејзините сребрени прамени.
На Fall Fashion Gala на New York City Ballet, актерката се појави со екстра долга плетенка украсена со розови ленти, во комбинација со романтичен фустан на Simone Rocha. Но токму двата сребрени прамена околу лицето му дадоа на изгледот нешто што одамна недостасува во beauty светот – природност без извинување.
Со години жените беа учени дека седата коса треба да се покрие веднаш штом ќе се појави.
Корен на секои неколку недели. Потемна боја. Посветла боја. Што било – само да не се забележи дека косата се менува.
Сега тој пристап полека се менува.
Еден од сè поприсутните трендови е таканаречениот gray blending – техника во која седите влакна не се прекриваат целосно, туку се вклопуваат со светли и темни прамени за косата да добие димензија и многу поприроден премин.
Резултатот не е „сокриена седа коса“.
Резултатот е добра коса.
И тоа е огромна разлика.
Кај Сара Џесика Паркер коренот останува потемен, должината преминува во топли руси тонови, а сребрените делови не се третираат како грешка што мора да исчезне. Напротив – тие го осветлуваат лицето и стануваат дел од целиот изглед.
Можеби токму ова е една од подобрите beauty пораки што можевме да ги добиеме во време кога интернетот е преполн со филтри, затегнати лица и опсесија со тоа жената да изгледа десет или дваесет години помлада.
Wedding Expo Skopje 2027 – 15 години љубов, стил и инспирација.
Не мора секогаш да изгледаме помлади.
Можеби е доволно да изгледаме добро на годините што ги имаме.
А уште подобро – да си дозволиме розови ленти, огромна плетенка или нешто сосема неочекувано, без оглед што пишува на изводот на родените.
Зашто стилот нема старосна граница.
А седата коса, конечно, престанува да биде нешто што мора да се крие.
About The Author
