Сидни Свини повторно во „naked dress“: Во Венеција облече архивски Armani од 2000 година
Сидни Свини очигледно не се откажува од проѕирните фустани што предизвикуваат реакции.
Само една година откако го „запали“ интернетот со целосно проѕирна металик креација на Christian Cowan, актерката во Венеција повторно се појави во „naked dress“, овојпат во архивски Giorgio Armani од есен/зима 2000.
Фустанот е изработен од проѕирна црна ткаенина, целосно покриена со сребрени светки и ситни монистра, а на едната прерамка има мала црна розета. Долгата силуета паѓа до подот и се собира околу потпетиците, создавајќи ефект како целиот фустан да е направен од светлина. 
Архивска мода наместо нова колекција
Особено интересно е што креацијата не е нова.
Станува збор за модел стар 26 години, набавен од vintage архивата Raffe Vintage, што уште еднаш го потврдува трендот големите ѕвезди на црвен тепих да избираат архивски парчиња наместо само најнови couture колекции. 
Сидни го носеше фустанот на Armani Beauty Exclusive Dinner во рамки на 83. Венециски филмски фестивал.
Изгледот го надополни со дијамантски обетки, црн eyeliner и пуштена руса коса во меки бранови. 
Потсетување на фустанот што го „скрши интернетот“
Harper’s Bazaar прави директна паралела со нејзиното појавување во октомври 2025 на Variety Power of Women, кога Сидни носеше целосно проѕирен Christian Cowan chainmail фустан.
Тогаш сребрената креација стана една од најсподелуваните фотографии од црвениот тепих, а новиот Venice look очигледно е продолжение на истиот провокативен моден јазик.
Само што овојпат има дополнителна модна тежина:
не е нов фустан направен за да стане вирален, туку архивски Armani што по повеќе од две децении повторно изгледа актуелно.
About The Author
