Познатата македонска музичка ѕвезда Елена Ристеска одбележува седум години од основањето на својот козметички бренд Era Cosmetics.
По тој повод, таа сподели емотивна објава на социјалните мрежи, во која се наврати на патот што брендот го поминал низ годините, на луѓето кои биле дел од неговиот развој, но и на соработниците без кои, како што вели, оваа приказна не би била иста.
Елена откри дека неодамна го прославила роденденот на Era Cosmetics заедно со својот 40-ти роденден, а наскоро најави и фотографии и видеа од прославата.
Но, во нејзината објава најсилно одекна благодарноста кон луѓето кои стоеле зад брендот.
Ристеска посебно го спомена својот технолог Владо Баевски, човекот на кој, како што вели, му должи сè околу козметиката. Неговото заминување оставило голема празнина за целиот тим на Era Cosmetics.
„Голема празнина за нас е неговото заминување“, напиша Елена во емотивната објава.
Кога зборува за соработниците, Елена посебно го издвојува и Златко Крстески од AS Kreativa и Jana Nails Macedonia, човек кој е дел од приказната на Era Cosmetics сите овие години. Тој бил меѓу првите кои верувале во брендот, во неговиот квалитет и во визијата што Елена ја градела уште од самиот почеток.
Ристеска го опишува како еден од своите најблиски соработници и човек од доверба.
„Секогаш велам, да се сите соработници како него, ќе одеше полесно сè“, напиша таа.
Токму видеото што го објави е посветено на Златко — како знак на благодарност за неговата професионалност, поддршка и добрина како човек.
Во објавата Елена ги споменува и хрватската сопственичка на брендот Jana Nails, Jana Duzanec, како и црногорската едукаторка Бојана, со што уште еднаш се гледа дека Era Cosmetics низ годините изградила не само бренд, туку и мрежа на силни регионални соработки.
Прославата се одржала во Охрид, во прекрасна атмосфера со поглед кон езерото од Hotel Inex Olgica. Елена напиша дека токму погледот кон езерото го направил викендот уште поубав, но дека за добар провод најважно е друштвото — овојпат со нејзините блиски Ивана Попчев и Андреа Илоска.
Седум години по основањето, Era Cosmetics е повеќе од козметички бренд.
Тоа е приказна за визија, истрајност, доверба и луѓе кои верувале во идејата уште од самиот почеток.Era Cosmetics беше дел и од големите настани посветени на убавината и свадбената индустрија — Beauty Expo и Wedding Expo, каде што брендот имаше можност директно да се претстави пред публиката, професионалците и идните невести. Присуството на овие саеми уште еднаш ја потврди позицијата на Era Cosmetics како бренд што активно ја гради својата приказна во светот на убавината, негата и професионалната козметика.
А Елена Ристеска, која јавноста со години ја знае како една од најуспешните македонски музички ѕвезди, со Era Cosmetics покажа дека креативноста може да живее и надвор од сцената — во бренд што расте, се развива и остава свој печат во светот на убавината.
