Хејли Бибер на 22 ноември полни 30 години, а роденденската фотосесија веќе ја сподели со јавноста.
На фотографиите што нејзиниот бренд Rhode ги објави на 16 ноември, манекенката позира во темносина блуза со долги ракави, гаќички во истата нијанса и набрани сиви чорапи. Со нив ја најави колекцијата „Birthday Chapter 30“.
Зошто роденденското руменило го носи името „Baldwin“?
Петта година по ред Rhode подготвува колекција за роденденот на Хејли. Овојпат таа избра две имиња од својата биографија за нијансите на „Pocket Plush“, првото мат руменило на брендот. Розовата нијанса „Baldwin“ го носи нејзиното моминско презиме, а бордо нијансата „Tucson“ го носи името на градот во Аризона каде што е родена. Хејли откри и како ја носи розовата нијанса – ја нанесува и на образите и на усните.
Wedding Expo Skopje 2027 – 15 години љубов, стил и инспирација.
Во колекцијата има и едно изненадување за љубителите на модата. Rhode за првпат ќе понуди облека на својата веб-страница. Станува збор за широка спортска јакна со две лица – темносино од едната страна и меко, сиво од другата. Колекцијата излегува на 20 ноември, кога ќе почнат и преднарачките за јакната. 
Розова торта со цреши и корсет од „Долче и Габана“
Свеќичките Хејли ги дувна малку порано, на 13 ноември, во друштво на сопругот Џастин Бибер и Кендал Џенер. За прославата облече винтиџ корсет од „Долче и Габана“ со црвено-црна змиска шара и црна чипка. На снимките што ги објавија нејзините пријателки се гледа и роденденската торта – нежно розова, на два ката, украсена со цреши.
Погледнете ја роденденската фотосесија на официјалниот Инстаграм на Rhode.