По разводот си купија дом од соништата: Ѕвездите што потрошија милиони за нов почеток
Некои по развод менуваат фризура, гардероба или заминуваат на патување. А некои од најпознатите жени во светот си купуваат – нова куќа од соништата.
Од розова „Barbie Dreamhouse“ во Калифорнија до фарма среде природа, овие славни жени очигледно решиле новото поглавје од животот да го започнат на своја адреса.
Џенифер Лопез – свој „Barbie Dreamhouse“
По разводот со Бен Афлек, Џенифер Лопез се пресели во имот вреден околу 18 милиони долари во Hidden Hills.
Куќата има пет спални соби, осум бањи, кино, гостинска куќа, базен, џакузи и дури простор за коњи. По повеќемесечно реновирање, ентериерот добил многу женствен изглед во розови и бели тонови, а извор близок до пејачката го опишал како нејзина сопствена „Barbie Dreamhouse“.
Рис Витерспун – луксуз во Тенеси
По разводот со Џим Тот, Рис Витерспун дополнително го прошири својот имотен портфолио со палата во Тенеси вредна околу 18 милиони долари.
Имотот се простира на четири акри и има огромен простор за живеење, тениски терен и многу приватност – далеку од холивудската врева.
Жизел Бундшен – нов живот покрај вода
По разделбата со Том Брејди, Жизел Бундшен купи вила во Мајами вредна околу 11,5 милиони долари.
Домот има пет спални соби, седум бањи, огромен базен, простор за забава на отворено и сопствен пристан. Локацијата е избрана и за да остане блиску до домот на нејзиниот поранешен сопруг поради децата. 
Ким Кардашијан – го задржа домот, но го направи свој
Ким Кардашијан не купи нова куќа по разводот со Канје Вест. Наместо тоа, го задржа нивниот огромен дом во Hidden Hills, вреден десетици милиони долари, и започна ново реновирање за просторот повеќе да одговара на нејзиниот живот денес. 
А некои избраа сосема поинаков луксуз
Џо Вуд, поранешната сопруга на Рони Вуд од Rolling Stones, го замени градскиот живот со фарма во Northamptonshire вредна околу 1,1 милион фунти.
Таа избрала речиси „off-grid“ живот – соларни панели, вода од бунар, сопствен зеленчук и планови за пчели и овоштарник.
Од палати со базени до куќи среде природа, за овие жени разводот не значел само крај на една врска, туку и можност домот конечно да изгледа точно онака како што тие сакаат.
About The Author
