Хари Стајлс конечно проговори за свадбата на Тејлор Свифт – една реченица беше доволна да „експлодира“ Медисон Сквер Гарден
Хари Стајлс не присуствуваше на свадбата на својата поранешна девојка Тејлор Свифт и Тревис Келси, но очигледно не ја пропуштил можноста да ѝ намигне на целата приказна.
За време на концертот во Madison Square Garden во Њујорк на 29 август, Стајлс направи кратка, но многу јасна алузија на спектакуларната свадба што Тејлор и Тревис ја одржаа токму во истата сала на 3 јули.
Додека разговарал со публиката за славната арена, Хари споменал дека таа е дом на Њујорк Никс, а потоа со насмевка додал:
„А тука прават и свадби!“
Публиката веднаш избувнала во овации – сите разбрале на која свадба мисли.
Бивши, но денес во добри односи
Хари Стајлс и Тејлор Свифт кратко беа во врска во 2012 и 2013 година, а нивната романса со години беше една од најкоментираните celebrity љубовни приказни.
Денес, според американските медиуми, двајцата се во добри односи. Хари не бил меѓу гостите на свадбата бидејќи имал концертни обврски во Лондон, но неговата свршеница Зои Кравиц, која е блиска пријателка со Тејлор, присуствувала на свадбата. 
Интересен детал што фановите веднаш го забележале е дека токму на денот на свадбата на Тејлор, Хари на свој концерт ја извел песната „Two Ghosts“, за која долго време се шпекулира дека е инспирирана од нивната поранешна врска.
Свадба за која и понатаму се зборува
Тејлор Свифт и Тревис Келси се венчаа на 3 јули 2026 година во Madison Square Garden, пред околу 1.000 гости. Церемонијата ја водеше Адам Сендлер, а меѓу гостите беа бројни холивудски и музички ѕвезди.
Невестата носеше специјално изработена Dior Haute Couture венчаница од Jonathan Anderson, со долг вел и шлеп, Cartier накит и Christian Louboutin чевли. 
Речиси два месеца подоцна, свадбата и понатаму е тема – а овојпат беше доволна само една реченица од поранешното момче на Тејлор за повторно да го запали интернетот.
About The Author
